იმერეთის მხარე განსაკუთრებით მდიდარია უნიკალური მღვიმოვანი კომპლექსებით. მათ შორის ერთ-ერთი გამორჩეულია ნავენახევის მღვიმე, რომელიც თერჯოლის მუნიციპალიტეტში, სოფელ ნავენახევთან მდებარეობს.

ნავენახევის მღვიმე განსხვავებული და ლამაზი ფორმის სტალაგმიტებით, სტალაგნატებითა და სტალაქტიტებით გამორჩეული 250 მეტრის სიგრძის ორსართულიანი და 4 დარბაზიანი მღვიმეა. ის შესასვლელიდან 30-ე მეტრზე ორად იყოფა. მეორე სართული პატარა საფეხურებით დაკავშირებულია დარბაზთან. მღვიმეს გასასვლელი არ აქვს, ამოკეტილია სტალაგნატით, რომლის სისქე 7 მეტრია.

ნავენახევის მღვიმის მიმდებარე ტერიტორიაზე მოწყობილია ეკოტურისტული ინფრასტრუქტურა, საგანმანათლებლო და სათამაშო მოედნები. 

მღვიმეში ოჯახთან ერთად მოგზაურობა შესანიშნავი იდეაა. ასე რომ, ესტუმრეთ თერჯოლას და აღმოაჩინეთ ნავენახევის მღვიმე!

ბილეთი:

ბილეთი 6 წლამდე ბავშვებისთვის - უფასო

ბილეთი 6 წლიდან 18 წლამდე საქართველოს მოქალაქე, ბინადრობის მქონე და რეზიდენტი პირებისათვის - 5.50 ლარი

ბილეთი საქართველოს მოქალაქე, ბინადრობის მქონე და რეზიდენტი პირი ომისა და სამხედრო ძალების ვეტერანთათვის - 5.00 ლარი

ბილეთი, 18 წელს ზემოთ საქართველოს მოქალაქეებისთვის, ბინადრობის მქონე და რეზიდენტი პირებისთვის გარდა არასრულწლოვანებისა - 8.00 ლარი

ბილეთი, საქართველოს მოქალაქეებისთვის, ბინადრობის მქონე და რეზიდენტი პირებისთვის გარდა არასრულწლოვანებისა (ევროპული ახალგაზრდული ბარათი) - 5.60 ლარი

ბილეთი, სხვა ქვეყნის მოქალაქეებისთვის - 12.00 ლარი

ბილეთი, სხვა ქვეყნის მოქალაქეებისთვის (ევროპული ახალგაზრდული ბარათი) - 8.40 ლარი

მოსწავლეთა ჯგუფის ვიზიტის დროს, სასწავლო დაწესებულების ერთი პედაგოგ - უფასო

ტურისტული სააგენტოს გიდები (ხელშეკრულების არსებობის შემთხვევაში) - უფასო

„VIP მომსახურება“ - ვიზიტორთა შესვლას და ბილეთის ფასში შემავალი სერვისებით სარგებლობას სამუშაო საათების განმავლობაში მათთვის სასურველ დროს, პერსონალური, ინდივიდუალური გამყოლის თანხლებით, ცოცხალი რიგის გვერდის ავლით  - 200 ლარი + ბილეთი

კომბო ბილეთები:

პრომეთეს მღვიმე + ნავენახევის მღვიმე

პრომეთეს მღვიმე + სათაფლიას მღვიმე + ნავენახევის მღვიმე

პრომეთეს მღვიმე + მარტვილის კანიონი + ნავენახევის მღვიმე