ჩემს გარშემო
გამოგვყევი

მარტვილის კანიონი

მარტვილის კანიონი ერთ-ერთი ყველაზე პოპულარული დაცული ტერიტორიაა.

მარტვილის კანიონის ვიზიტორთა ცენტრი სოფელ ინჩხურში, კანიონის შესასვლელთანაა განთავსებული.

მარტვილის კანიონი საუკეთესო ადგილია შვებულების ან შაბათ-კვირის ოჯახთან გასატარებლად. 

კანიონი გამორჩეულია თავისი ისტორიულობიდან გამომდინარეც. გადმოცემის თანახმად, ეს ადგილი დადიანების საზაფხულო რეზიდენციის ერთ-ერთ მნიშვნელოვან მონაკვეთს წარმოადგენდა. სწორედ ამ ადგილზე იყო მათთვის მოწყობილი საბანაო მონაკვეთი. ტერიტორია გარშემორტყმულია უნიკალური კოლხური ტყით. 

ქვით მოკირწყლული 700 მ-ის სიგრძის წრიული საფეხმავლო ბილიკი  ვიზიტორთა ცენტრიდან იწყება და გაივლის დადიანების ისტორიულ ბილიკს. ბილიკზე განლაგებულია 2 ხიდი, 3 გადასახედი პლატფორმა, კირქვის დიდი ლოდებისგან აშენებული 30-საფეხურიანი ისტორიული კიბე.

ვიზიტორებს ასევე შესაძლებლობა აქვთ გაისეირნონ ნავით მდ. აბაშის 300-მეტრიან (ერთი გზა) მონაკვეთზე და დატკბნენ მთის მდინარის კანიონის ულამაზესი ხედებით.

აღსანიშნავია, რომ მარტვილის კანიონს ახლოს არის დასავლეთ საქართველოს ცენტრალურ ქალაქ - ქუთაისთან, ასევე კანიონში მოგზაურობა კარგი გადაწყვეტილებაა აჭარაში დასვენების დროსაც. 

ასე რომ მოიკიდეთ ზურგჩანთები და აღმოაჩინეთ მარტვილის კანიონი.






კონტაქტი

ვიზიტორთა სპეციალისტი
595 80 54 55 samegrelo.okatse@gmail.com

სამუშაო საათები

გაზაფხული

ყოველდღე: 10:00 - 20:00

ზაფხული

ყოველდღე: 10:00 - 24:00

შემოდგომა

ყოველდღე: 10:00 - 20:00

ზამთარი

ყოველდღე: 10:00 - 19:00

ფასიანი სერვისები

ზრდასრული

საქ. მოქალაქე და რეზიდენტი პირი - 10.35₾

ნავით გასეირნება - ერთი ადამიანი - 15₾

სტუდენტი და მოსწავლე

ბილეთი არასწრულწლოვანებისთვის (6 წლიდან 18 წლამდე) - 5.50

ნავით გასეირნება - ერთი ადამიანი - 15₾

უცხოეთის მოქალაქე

სხვა ქვეყნის მოქალაქეებისთვის, გარდა არასწრულწლოვანებისთვის - 17.25₾

ნავით გასეირნება - ერთი ადამიანი - 15₾

თავგადასავალი

სანაოსნო ტური

მათთვის ვისაც ულამაზეს კანიონში ნავით გასეირნება გსურთ, მარტვილის კანიონში სანაოსნო ტური და დაუვიწყარი შთაბეჭდილებები გელოდებათ.

მარტვილის კანიონი შესანიშნავი ადგილია ოჯახთან ან მეგობრებთან ერთად შბათ-კვირის გასატარებლად.

ვიზიტორებს შესაძლებლობა აქვთ გაისეირნონ ნავით მდ. აბაშის 300-მეტრიან (ერთი გზა) მონაკვეთზე და დატკბნენ მთის მდინარის კანიონის ულამაზესი ხედებით.

ნავით გასეირნება შეუძლიათ ბავშვებს, რომელთა სიმაღლე აღემატება 120 სანტიმეტრს. 

მაისიდან-სექტემბრამდე ნავით გასეირნებისთვის საუკეთესო პერიოდია, რადგან ამ დროს მდინარე გამჭვირვალე მწვანე ფერისაა და შეგიძლიათ ფსკერის დანახვაც კი.


(სანაოსნო ტურით სარგებლობის შემთხვევაში ბავშვი უნდა აღემატებოდეს 1 მეტრ სიმაღლეს)

ხელმისაწვდომია

ზამთარი გაზაფხული ზაფხული შემოდგომა
შესაბამისი ტურები

საფეხმავლო ტური

ქვით მოკირწყლული 700 -ის სიგრძის წრიული საფეხმავლო ბილიკი  ვიზიტორთა ცენტრიდან იწყება და გაივლის დადიანების ისტორიულ ბილიკს. ბილიკზე განლაგებულია 2 ხიდი, 3 გადასახედი პლატფორმა, კირქვის დიდი ლოდებისგან აშენებული 30 საფეხურიანი ისტორიული კიბე.


დამატებითი ინფორმაციის მისაღებად დაგვიკავშირდი - 577 10 18 97


იხილეთ ფასები

ხელმისაწვდომია

ზამთარი გაზაფხული ზაფხული შემოდგომა
შესაბამისი ტურები
  • სანაოსნო ტური
  • საფეხმავლო ტური

ადგილები რომლებიც უნდა ნახო

ბუნების ძეგლები

ბალდის კანიონის ბუნების ძეგლი

ღირსშესანიშნაობა: ბუნების ძეგლი წარმადგენს მდ. აბაშის მიერ ასხის მასივის სამხრეთ ნაწილში, კირქვულ ქანებში გამომუშავებულ კანიონს. კანიონის სიგრძეა 1400 მ-ია, სიგანე 5-10 მ, ხოლო ჩაჭრის საღრმე 25-30 მ.

მდებარეობა: მარტვილის მუნიციპალიტეტი, სოფ.  მეორე ბალდა, მდ. აბაშის ხეობა, ბალდის  მამათა მონასტრის მიმდებარედ, 295 მეტრი ზღვის დონიდან.

კოორდინატები: N42 29.319 E42 24.580

 

მისასვლელი გზა:  ბუნების ძეგლთან ყველაზე ახლომდებარე მსხვილი დასახლებული პუნქტია ქ. მარტვილი. თბილისიდან მარტვილი დაშორებულია 280 კმ-ით; ხანგრძლივობა - 4 სთ;

ქ. მარტვილიდან - ბალდის კანიონის ბუნების ძეგლი  - 11,4 კმ; ხანგრძლივობა - 20 წთ;

ღამისთევა: ღამის გასათევად ყველაზე ოპტიმალური ვარიანტია ქ. მარტვილში დარჩენა, სადაც შესაძლებელია სასტუმროში გაჩერება.

დამატებითი ინფორმაციისთვის დაგვიკავშრდით: 595 80 54 55

მოთენას მღვიმის ბუნების ძეგლი

ღირსშესანიშნაობა: ბუნების ძეგლი წარმოადგენს ასხის მასივზე, ტაბაკელას ქედის ჩრდილო-დასავლეთს ფერდობზე, მდინარე აბაშის ხეობის მარცხენა მხარეს ეოცენური ასაკის შრეებრივ კირქვებში გამომუშავებულ ორსართულიან მღვიმეს, სადაც გაედინება მუდმივმოქმედი ნაკადი, რომელიც მდ. აბაშას უერთება. მისი წინა ნაწილი ჩამონგრეულია და ღია ხეობას წარმოადგენს. აქვე ამოყვანილია ქვითკირის კედელი, დატანილია სათოფურები. მღვიმე ორი დიდი დარბაზისაგან შედგება, რომლებიც ერთმანეთს ვიწრო, მაგრამ მაღალი გასასვლელებით უკავშირდებიან. ბოლო დარბაზის სამხრეთ-აღმოსავლეთ კუთხეში 10 მ საფეხურია, რომლითაც მღვიმის მეორე სართულზე შეიძლება მოხვედრა. აქ მრავლადა: სტალაქტიტები, სტალაგმიტები, ტრავერტის კასკადები, გურები, ფარდები, ასევე დიდი ზომის ლოდები, გამოფიტვის ადგილობრივი მასალა. მღვიმეში ბინადრობენ ობობები და სხვა მწერები. ისტორიული ნაგებობა შუა საუკუნეებში გამოყენებული იყო ციხე-სიმაგრედ.

მდებარეობა: მარტვილის მუნიციპალიტეტი, სოფ. პირველი ბალდის მიდამოები, 473 მეტრი ზღვის დონიდან.

კოორდინატები: N42 28.595 E42 23.470

 

მისასვლელი გზა: ბუნების ძეგლთან ყველაზე ახლომდებარე მსხვილი დასახლებული პუნქტია ქ. მარტვილი. თბილისიდან მარტვილი დაშორებულია 280 კმ-ით; ხანგრძლივობა - 4 სთ;

ქ. მარტვილი - სოფ. პირველი ბალდა - 8,2 კმ; ხანგრძლივობა - 15 წთ;

სოფ. პირველი ბალდა - მოთენას მღვიმის ბუნების ძეგლი  - 0,7 კმ; ხანგრძლივობა - 15 წთ; (საფეხმავლო მარკირებული ბილიკი)

ღამისთევა: ღამის გასათევად ყველაზე ოპტიმალური ვარიანტია ქ. მარტვილში დარჩენა, სადაც შესაძლებელია სასტუმროში გაჩერება.

დამატებითი ინფორმაციისთვის დაგვიკავშრდით: 595 80 54 55

ონიორის ჩანჩქერისა და ტობის პირველი მღვიმის ბუნები ძეგლები

ღირშესანიშნაობა: ბუნების ძეგლების კომპლექსი წარმოადგენს ტობა პირველის მღვიმისა და მისგან გადმომავალი ონიორეს ჩანჩქერის ერთობლიობას, რომელიც იშვიათ და ულამაზეს სანახაობას ქმნის.

მღვიმე გამომუშავებულია ზედაცარცულ შრეებრივ კირქვებში. შესასველეი (12X5 მ) ქარაფის გასწვრივ იხსნება. შესასვლელიდან 70 მეტრში 21 მ სიმაღლის მიწისქვეშა ჩანჩქერია, სადაც ჭერის სიმაღლე 30 მეტრზე მეტია. ცალკეულ ადგილას გვირაბის სიგანე 12-15 მ აღწევს. მღვიმიდან გამომავალი მიწიქვეშა მდინარე 15 მეტრში, 67 მ სიმაღლის ონიორეს ჩანჩქერს წარმოქნის.

მდებარეობა: მარტვილის მუნიციპალიტეტი, სოფ.  მეორე ბალდის ჩრდილო-აღმოსავლეთით, მდ. აბაშის მარჯვენა შენაკადის ტობას ხეობა, 680 მეტრი ზღვის დონიდან.

კოორდინატები: N42 28.643 E42 27.520

 

მისასვლელი გზა:  ბუნების ძეგლთან ყველაზე ახლომდებარე მსხვილი დასახლებული პუნქტია ქ. მარტვილი. თბილისიდან მარტვილი დაშორებულია 280 კმ-ით; ხანგრძლივობა - 4 სთ;

ქ. მარტვილი - სოფ. პირველი ბალდა - 9,4 კმ; ხანგრძლივობა - 20 წთ;

სოფ. პირველი ბალდა - ონიორის ჩანჩქერისა და ტობის პირველი მღვიმის ბუნების ძეგლები - 6,1 კმ; ხანგრძლივობა - 1 სთ და 30 წთ; (საფეხმავლო მარკირებული ბილიკი)

ღამისთევა: ღამის გასათევად ყველაზე ოპტიმალური ვარიანტია ქ. მარტვილში დარჩენა, სადაც შესაძლებელია სასტუმროში გაჩერება.

დამატებითი ინფორმაციისთვის დაგვიკავშრდით: 595 80 54 55

ოჩხომურის ჩანჩქერის ბუნების ძეგლი

ღირშესანიშნაობა: ბუნების ძეგლი მიგარიას კირქვული მასივის სამხრეთ ნაწილში, მდ. ოჩხომურის სათავეებში  მდებარეობს. სამ საფეხურიანი კასკადის სიმაღლე 100-120 მ-ია.  ჩანჩქერის თითოეული საფეხური დაცემისას ძირში პატარ-პატარა ტბებს ივითარებს. ჩანჩქერის გარშემო არსებული ტენიანობა იწვევს მის მიმდებარე ტერიტორიებზე თავისებური ფლორისა და ფაუნის ჩამოყალიბებას, აქ მრავლადაა სხვადასხვა იშვიათი, ენდემური თუ რელიქტური სახეობა, მნიშვნელოვანი ადგილი უკავია ბზის კორომებს.

მდებარეობა: მარტვილის მუნიციპალიტეტი, სოფ.  კურზუს ს ჩრდილოეთით, მდ. ოჩხომურის ხეობა, 550 მეტრი ზღვის დონიდან.

კოორდინატები: N42 36.671 E42 18.035

მისასვლელი გზა:  ბუნების ძეგლთან ყველაზე ახლომდებარე მსხვილი დასახლებული პუნქტია ქ. მარტვილი. თბილისიდან მარტვილი დაშორებულია 280 კმ-ით; ხანგრძლივობა - 4 სთ;
ქ. მარტვილი - სოფ. კურზუ - 25.3 კმ; ხანგრძლივობა - 30 წთ;
სოფ. კურზუ - ოჩხომურის ჩანჩქერის ბუნების ძეგლი - 3,2 კმ; ხანგრძლივობა - 30 წთ; (საფეხმავლო ბილიკი)

ღამისთევა: ღამის გასათევად ყველაზე ოპტიმალური ვარიანტია ქ. მარტვილში დარჩენა, სადაც შესაძლებელია სასტუმროში გაჩერება.

დამატებითი ინფორმაციისთვის დაგვიკავშრდით: 595 80 54 55

ტობის ჩანჩქერისა და არსენ ოქროჯანაშვილის მღვიმის ბუნების ძეგლები

ღირშესანიშნაობა: ბუნების ძეგლების კომპლექსი წარმოადგენს არსენ ოქროჯანაშვილის (ტობა II)  მღვიმისა და მისგან გადმომავალი ტობას კასკადოვანი ჩანჩქერის ერთობლიობას, რომელიც იშვიათ და ულამაზეს სანახაობას ქმნის.
მღვიმე ძნელად მისადგომია და სპეციალური აღჭურვილობის გარეშე იქ ასვლა არ არის რეკომენდებული, ხოლო შიგნით სამოგზაუროდ საჭიოა რეზინის ნავი. გამომუშავებულია ზედაცარცულ შრეებრივ კირქვებში. შესასველეი (15X20 მ ) ქარაფის გასწვრივ იხსნება. სამიარუსიანი, მრავალგანშტოებიან მღვიმეში რამდენიმე დარბაზია. მათ შორის გამოირჩევა: „ნონას დარბაზი“, „ნანას დარბაზი“, „სალონი“, „უნივერსიტეტი 50“, „ტბიანი“ და სხვა დარბაზები. ქიმიური ნალექები მრავალფეროვანი ფორმებით არის წარმოდგენილი. ერთ-ერთი სტალაგმიტის სიმარლე 7 მ აღწევს. მღვიმის ჯამური სიგრძით 1300 მ-ია. მღვიმიდან გამომავალი მდინარე, რომელიც მიწისქვეშ 4 ტბას აჩენს, წარმოქნის 234 მ სიმაღლის, (საქართველოში ყველაზე მაღალი) ტობის კასკადური ჩანჩქერს.

მდებარეობა: მარტვილის მუნიციპალიტეტი, სოფ.  მეორე ბალდის ჩრდილო-აღმოსავლეთით, მდ. აბაშის მარჯვენა შენაკადის ტობას ხეობა, 707 მეტრი ზღვის დონიდან.

კოორდინატები: N42 28.325 E42 27.315

მისასვლელი გზა:  ბუნების ძეგლთან ყველაზე ახლომდებარე მსხვილი დასახლებული პუნქტია ქ. მარტვილი. თბილისიდან მარტვილი დაშორებულია 280 კმ-ით; ხანგრძლივობა - 4 სთ;
ქ. მარტვილი - სოფ. პირველი ბალდა - 9,4 კმ; ხანგრძლივობა - 20 წთ;
სოფ. პირველი ბალდა - ტობას ჩანჩქერისა და არსენ ოქროჯანაშვილის მღვიმის ბუნების ძეგლები - 5,6 კმ; ხანგრძლივობა - 1 სთ და 10 წთ; (საფეხმავლო მარკირებული ბილიკი)

ღამისთევა: ღამის გასათევად ყველაზე ოპტიმალური ვარიანტია ქ. მარტვილში დარჩენა, სადაც შესაძლებელია სასტუმროში გაჩერება.

დამატებითი ინფორმაციისთვის დაგვიკავშრდით: 595 80 54 55

ჯორწყუს მღვიმის ბუნების ძეგლი

ღირშესანიშნაობა: ბუნების ძეგლი წარმოადგენს ასხის კირქვულ მასივზე ზედაცარცული (ტურონ-დანიური) ასაკის თხელ შრეებრივ კირქვებში, შრეთა დახრის საწინააღმდეგოდ გამომუშავებულ ორასრთულიან მღვიმეს, რომელიც იწყება ვრცელი შესასვლელი დარბაზით და რომელსაც 4-5 მ სიგანისა დ 3-5 მ სიმაღლის დერეფანი აგრძელებს. მღვიმე შესასვლელიდან მე-100 მეტრზე ორ განშტოებას ინვითარებს. მაქსიმალური სიგრძე 276 მ-ია. ძირითადი მაგისტრალი - მეანდრული დერეფანი ბოლოში მოზრდილ დარბაზში გადადის, რომლის კედელზეც 30 მ სიგრძის მღვიმის მეორე სართულია იხსნება. შესასვლელთან ოდესღაც ჭერი ჩამონგრეულა. მღვიმეში სჭარბობს სტალაქტიტები, იშვიათია სტალაგმიტები; მდიდარია პლასტიკური თიხის 3,5 - 4 მ სისქის ნაფენებით. ჰაერის ტემპერატურა მღვიმის შესასვლელში 18° C-ია, 100 მ-ის სიგრძეზე – 11,6°C, ბოლოში კი 11,5°C. მღვიმეში გაედინება ნაკადი, რომელსაც უერთდება მეორე ნაკადი და 15 მ გავლის შემდეგ იგი მდ. ჯორწყუს მარცხენა მხარეს წყაროს სახით გამოდის. მღვიმე საინტერესოა დამახასიათებელი ფაუნით და პალეონტოლოგიური ნიმუშებით, გარდა ამისა, ერთ დროს ის ადამიანების სადგომსაც წარმოადგენდა. აქ ნაპონია მღვიმური დათვის, ფოცხვერის, დომბის და სხვა ცხოველების ძვლები.

მდებარეობა: მარტვილის მუნიციპალიტეტი, სოფ.  მეორე ბალდის ჩრდილო-აღმოსავლეთით, მდ. აბაშის მარცხენა შენაკადის ჯორწყუს ხეობა, 653 მეტრი ზღვის დონიდან.

კოორდინატები: N42 30.620 E42 25.155

მისასვლელი გზა:  ბუნების ძეგლთან ყველაზე ახლომდებარე მსხვილი დასახლებული პუნქტია ქ. მარტვილი. თბილისიდან მარტვილი დაშორებულია 280 კმ-ით; ხანგრძლივობა - 4 სთ;
ქ. მარტვილი - სოფ. მეორე ბალდა - 8,9 კმ; ხანგრძლივობა - 20 წთ;
სოფ. მეორე ბალდა - ჯორწყუს მღვიმის ბუნების ძეგლი - 5,5 კმ; ხანგრძლივობა - 1 სთ და 30 წთ; (საფეხმავლო მარკირებული ბილიკი)

ღამისთევა: ღამის გასათევად ყველაზე ოპტიმალური ვარიანტია ქ. მარტვილში დარჩენა, სადაც შესაძლებელია სასტუმროში გაჩერება.

დამატებითი ინფორმაციისთვის დაგვიკავშრდით: 595 80 54 55

მდ. აბაშის ჩანჩქერის ბუნების ძეგლი

ღირსშესანიშნაობაასხის მასივის სამხრეთ-დასავლეთ ნაწილში, მდ. აბაშის მარცხენა შენაკადი კირქვის ქარაფში გამოდის მღვიმიდან და იქვე ეცემა დაახლოებით 40 მეტრიდან. ჩანჩქერი დაცემის ადგილას 12 დიამეტრის ორმოს წარმოქმნის. წყალი ორმოში მდუღარესავით ბობოქრობს. ჩანჩქერის შხეფები ხშრად ცისარტყელას წარმოქნის.


მთავარი ჩანჩქერის მარჯვნივ არის კდევ ორი მომცრო ჩანჩქერია. ჩანჩქერებს დაჰყურბს 200 სიმაღლის კირქვული ქარაფი.
ჩანჩქერის მიდამოები აგებულია ზედაცარცული კირქვებით და ხშირი ტყითაა შემოსილი. ყურადღებას იპყრობს ბზის სქელი ტევრები, რომლებშიც საკმაოდ ძნელია გავლა. აქვეა ადგილი რაჩხა კარსტლი წყლების უხვი გამოსავლებით.


მდებარეობამარტვილის მუნიციპალიტეტი, სოფ. მეორე ბალდა, ადგილი რაჩხა, მდ. აბაშის სათავეები, 895 მეტრი ზღვის დონიდან.


კოორდინატებიN42 30.832 E42 28.558


მისასვლელი გზაბუნების ძეგლთან ყველაზე ახლომდებარე მსხვილი დასახლებული პუნქტია . მარტვილი. თბილისიდან მარტვილი დაშორებულია 280 კმ-ითხანგრძლივობა - 4 სთ;
. მარტვილიდან - სოფ. მეორე ბალდა  - 9 კმხანგრძლივობა - 15 წთ;
სოფ. მეორე ბალდა  -  ადგილი რაჩხა 11,5 კმხანგრძლივობა - 1 სთ და 30 წთ (სამხიდიანი ავტომობილი);
ადგილი რაჩხა  - მდ. აბაშის ჩანჩქერის ბუნების ძეგლი  - 3,5 კმხანგრძლივობა - 1 სთ (საფეხმავლო მარკირებული ბილიკი);


ღამისთევაღამის გასათევად ყველაზე ოპტიმალური ვარიანტია . მარტვილში დარჩენა, სადაც შესაძლებელია სასტუმროში გაჩერება.

კომენტარები

PaÂta Dvaładźe

Awesome Landmark in Georgia!

იხილეთ ახლოს მდებარე პარკები

კინტრიშის ეროვნული პარკი

84 კილომეტრის დაშორებით

ნახვა

კოლხეთის ეროვნული პარკი

57 კილომეტრის დაშორებით

ნახვა

მტირალას ეროვნული პარკი

97 კილომეტრის დაშორებით

ნახვა

ოკაცეს კანიონი

12 კილომეტრის დაშორებით

ნახვა

პრომეთეს მღვიმე

20 კილომეტრის დაშორებით

ნახვა

სათაფლია

29 კილომეტრის დაშორებით

ნახვა

ქობულეთის ეროვნული პარკი

82 კილომეტრის დაშორებით

ნახვა

ოკაცეს (კინჩხას) ჩანჩქერი

15 კილომეტრის დაშორებით

ნახვა

ნავენახევის მღვიმე

45 კილომეტრის დაშორებით

ნახვა

თეთრა მღვიმე

24 კილომეტრის დაშორებით

ნახვა

რაჭის ეროვნული პარკი

83 კილომეტრის დაშორებით

ნახვა

ფასიანი სერვისები

საქართველოს ეროვნულ პარკებში თქვენ შეგიძლიათ ისარგებლოთ ფასიანი ეკოტურისტული სერვისებით.

მეტის ნახვა

ტრანსპორტი

გაიგეთ როგორ შეგიძლიათ მოხვდეთ საქართველოს ეროვნულ პარკებში.

მეტის ნახვა

გზამკვლევი

დაგეგმეთ მოგზაურობა საქართველოს ეროვნულ პარკებში.

მეტის ნახვა

ჩვენს შესახებ

ძვირფასო მოგზაურებო, გიწვევთ საქართველოს ეროვნულ პარკებში სამოგზაუროდ.

მეტის ნახვა