ბილიკის 120 კმ-იანი სამანქანო გზა ინტეგრირებულია საფეხმავლოსთან
მარშრუტი იწყება ქ. დედოფლისწყაროდან და მიემართება სამხრეთ-აღმოსავლეთით ვაშლოვანის დაცვის სადგურისკენ. ვაშლოვანის სამცველოსთან მისული ვიზიტორების თვალწინ მოულოდნელად იშლება შირაქის ველის ერთფეროვანი რელიეფისგან მკვეთრად განსხვავებული, ველური სიცოცხლით სავსე ვაშლოვანის ქვაბული, რომელიც მორთულია რელიქტური ხე-მცენარეებით – დიდრონი საკმლის ხეებითა (საღსაღაჯები) და მარადმწვანე ღვიებით. ამ ადგილას მოწყობილია საპიკნიკე, სადაც შესაძლებელია წახემსება და ადგილობრივი ხედებით ტკბობა.
დაცვის სადგურიდან მარშრუტი მიემართება პანტიშარას ხეობისკენ. ხეობისკენ მიმავალი გზა ერთმანეთისგან მკვეთრად განსხვავებულ ორი ლანდშაფტის მიჯნას წარმოადგენს: გზის მარჯვენა მხარეს მოჩანს ქსეროფიტული ბალახეულობით დაფარული, ნაზი კონტურების მქონე ნაგომრების ქედი, ხოლო მარცხენა მხარეს – გზიდან 50-70 მეტრის ქვემოთ, ციცაბო ფერდობებით გამოყოფილი, არიდული ტყით დაფარული და ღრმა ხეობებით დაქსელილი ვაშლოვანის ნაკრძალი. ქედის თხემზე მიმავალი გზა თანდათანობით ქვემოთ ეშვება და ჩადის პანტიშარას ვიწრო ხეობაში, რომლის ორივე მხარეს აღმართულია ციხესიმაგრეების მსგავსი შვეული კლდეები, რომლებზეც მერცხლებს უამრავი ბუდე აუშენებიათ და სწორედ ამიტომ, ამ ადგილს „მერცხლების ქალაქი“ეწოდება
სამხრეთისაკენ ხეობა თანდათან ფართოვდება და „ალესილების“ ვრცელი პანორამა იშლება, ეს ადგილები მტაცებელი ფრინველების დათვალიერების საუკეთესო შესაძლებლობას იძლევა. აქედან მარშრუტი ისევ ხეობაში ბრუნდება და მისი შენაკადისკენ - “დათვის ხევისკენ” იღებს გეზს. „დათვის ხევი“-ს დასაწყისში მოწყობილია საპიკნიკე და ავტოსადგომი, სწორედ აქედან იწყება საფეხმავლო მარშრუტი, რომელიც ღრმად შედის ხევში და მის ფერდობებში გაშიშვლებულია განამარებული ზღვის მოლუსკები, რაც ამ ადგილზე ოდესღაც ზღვის არსებობას ადასტურებს. მარშრუტის მთავარი სანახაობა სამხრეთული სპილოს გაქვავებული ძვლებია, მათ შორის ყველაზე დიდი 87 სმ-ს აღწევს და კარგად წარმოაჩენს მილიონი წლის წინ მცხოვრები ძუძუმწოვრის გიგანტურ ზომას. აქვე შესაძლებელია დათვის, მგლის, გარეული ღორის, ფოცხვერის ნაკვალევის ნახვაც.
National Parks of Georgia
ვაშლოვანის ეროვნული პარკი, ჩემთვის ყველაზე განსხვავებული და გამორჩეული ადგილია
ვაშლოვანში ჩასვლის პირველივე დღეს უსაზღვრო ემოციებით ავივსე. ვიცოდი, რომ ამ ადგილს ქართულ აფრიკას უწოდებდნენ და მართლაც, მზის ამოსვლისას ვაშლოვანი ოქროსფერი აფრიკაა. განსხვავება, მხოლოდ ის არის, რომ ზებრები, ჟირაფები და ლომები აქ არ დარბიან
თუ გინდათ, აბსოლუტურად განხვავებული საქართველოს ბუნება ნახოთ, აუცილებლად ეწვიეთ ვაშლოვანის ეროვნულ პარკს, სხვადასხვა სეზონზე
Vashlovani National Park is the most different and distinctive place for meIn the very first day of my arrival in Vashlovani, I was filled with emotions. I knew that this place was called Georgian Africa and indeed, at sunrise, Vashlovani is golden Africa. The only difference is that zebras, giraffes and lions do not run hereIf you want to see the completely different nature of Georgia, be sure to visit Vashlovani National Park
National Parks of Georgia
ლაგოდეხის დაცულ ტერიტორიებზე გატარებული 3 დღე დაუვწყარი იყო ჩემს ცხოვრებაში!
ბევრჯერ მიფიქრია, რომ ლაგოდეხის ნაკრძალში, შავი კლდეების ტბამდე მისასვლელი გზა საკმაოდ რთული იქნებოდა.
მისი ნახვის განსაკუთრებული სურვილი მქონდა. მინდოდა დავმტკბარიყავი ულამაზესი მთებისა და ხევების ყურებით
ლაგოდეხის დაცულ ტერიტორიებზე, მზის ჩასვლისას, ოქროსფრად აფერადებული მინდვრები განსაკუთრებული სანახავია
The 3 days spent in the protected areas of Lagodekhi were unforgettable in my life!I thought that in Lagodekhi reserve, the road to the "Black Rocks Lake" would be quite difficult.I had a special desire to see it. I wanted to enjoy the sights of the beautiful mountains and valleys
National Parks of Georgia
ვაშლოვანის დაცული ტერიტორიები ჩემთვის ერთ-ერთი საუკეთესო ადგილია. შემოდგომა კი ამ ხეობაში ყველაზე კარგი პერიოდია 
ვაშლოვანის დაცულ ტერიტორიებზე მზის ამოსვლა საოცარი სანახავია 
მის ბილიკებზე ფეხით სეირნობისას ემოციები კიდევ უფრო მიმძაფრდებოდა. ერთ დღეში ვნახე ნახევრადუდაბნო, უდაბნო, ტყეები, გაშლილი სივრცეები და ცხოველების თანაცხოვრება. 
Vashlovani Protected Area is one of the best places for me and autumn is an excellent time of the year in this valley The sunrise in the protected areas of Vashlovani is amazing to see As I walked down the trail, the emotions intensified. In one day I saw the semi-desert, the desert, the forests, the expansive spaces and the coexistence of animals.
National Parks of Georgia
ჩემთვის ვაშლოვანი ერთ-ერთი განსაკუთრებული ადგილია 
არასდროს მომწონდა დიდი მინდვრები, სადაც არ გვხვდება მთისთვის დამახასიათებელი ბუნება. ვაშლოვანი ის ადგილი აღმოჩნდა, სადაც გაშლილ სივრცეში ვიპოვე სრული თავისუფლება 
ვაშლოვანის ეროვნულ პარკში გვიანი გაზაფხული საოცრად ლამაზი, სიცოცხლით სავსე და ფერადია 
"For me, Vashlovani is one of the special places I never liked extensive fields, where there is not typical mountainous nature. Vashlovani turned out to be the place where I found complete freedom in the open space In Vashlovani National Park, late spring is beautiful, colorful and full of life
ფასიანი სერვისები
საქართველოს ეროვნულ პარკებში თქვენ შეგიძლიათ ისარგებლოთ ფასიანი ეკოტურისტული სერვისებით.
მეტის ნახვა
