ბუნების ძეგლი წარმოდგენილია მდინარე ალაზნის ყურეში 204,4 ჰა ფართობზე ბუნებრივი წარმოშობის  ლიანებიანი ჭალის ტყის სახით. აქ უხვადაა მრავალწლოვანი კაკლები, იფნები, მუხები და თელები, ასევე ჭალის ტყისათვის დამახასიათებელი  ბუჩქნარი. ე.წ. კაკლის ყურეში 1 კმ-იანი საფეხმავლო მარშრუტის  გავლას ერთი საათი სჭირდება.

მდებარეობა: დედოფლისწყაროს მუნიციპალიტეტი, მდ. ალაზნის მარჯვენა ნაპირი სოფ. ფიროსმანიდან სამხრეთ-აღმოსავლეთით, 165 მეტრი ზღვის დონიდან.

კოორდინატები: N41 21.548 E46 39.235

მისასვლელი გზა: ბუნების ძეგლთან ყველაზე ახლომდებარე მსხვილი დასახლებული პუნქტია ქ. დედოფლისწყარო. თბილისიდან დედოფლისწყარო დაშორებულია 130 კმ-ით; ხანგრძლივობა - 2 სთ;
ქ. დედოფლისწყარო - ალაზნის ჭალის ბუნების ძეგლი  - 56 კმ; ხანგრძლივობა - 1 სთ და 30 წთ.

ღამისთევა: ღამის გასათევად ყველაზე ოპტიმალური ვარიანტია ქ. დედოფლისწყაროში დარჩენა, სადაც შესაძლებელია სასტუმროში გაჩერება.

საკონტაქტო ინფორმაცია: 
ტელ: 577 10 18 49
ელ-ფოსტა: [email protected]

არწივის ხეობის ბუნების ძეგლი წარმოადგენს ორი ობიექტისაგან შემდგარ უნიკალურ კომპლექსს. ერთი ნაწილი - კირქვიანი კლდეების კანიონია, მეორე კი მიმდებარე ტყის მონაკვეთი, სადაც მდებარეობს ხორნაბუჯის ციხე-სიმაგრე (V ს.).

კანიონში, რომელიც გამოირჩევა ლამაზი ლანდშაფტით, არაერთი მტაცებელი ფრინველი (არწივი, სვავი და სხვა) ბუდობს. ხეობის კლდოვანი ფერდობებიდან ჩაკიდებულ კლდეებზე შესაძლებელია ორბების ბუდეებისა და იშვიათი/გადაშენების პირას მყოფი მცენარეების ნახვა, რომელიც საქართველოს ტერიტორიაზე არსად გვხვდება.
არწივის ხეობაში საფეხმვალო მარშრუტის სიგრძეა 1 კმ, რომლის გავლა შესაძლებელია 1 სთ-ში.
ხორნაბუჯის ციხეზე საფეხმავლო მარშრუტის სიგრძეა 0.5 კმ. მის გავლას 30 წუთი სჭირდება.

მდებარეობა: დედოფლისწყაროს მუნიციპალიტეტი, ქ. დედოფლისწყაროს ჩრდილოეთით 0.5 კმ, 762 მეტრი ზღვის დონიდან.

კოორდინატები: N41 29.089 E46 05.723

მისასვლელი გზა: ბუნების ძეგლთან ყველაზე ახლომდებარე მსხვილი დასახლებული პუნქტია ქ. დედოფლისწყარო. თბილისიდან დედოფლისწყარო დაშორებულია 130 კმ-ით; ხანგრძლივობა - 2 სთ;
ქ. დედოფლისწყარო - არწივის ხეობის ბუნების ძეგლი  - 0,5 კმ; ხანგრძლივობა - 10 წთ;

ღამისთევა: ღამის გასათევად ყველაზე ოპტიმალური ვარიანტია ქ. დედოფლისწყაროში დარჩენა, სადაც შესაძლებელია სასტუმროში გაჩერება.

საკონტაქტო ინფორმაცია:
ტელ:  +995 577101849
ელ-ფოსტა:  [email protected]

ბუნების ძეგლი წაროადგენს ტალახის ვულკანების (ფსევდო ანუ ეგზოვულკანები) კრატერების ჯგუფს, საიდანაც მუდმივად გადმოდის წყლის, ნავთობის, ტალახისა და აირების ნაზავი.

მდებარეობა: დედოფლისწყაროს მუნიციპალიტეტი, მდ. იორის მარჯვენა ნაპირი, დალის წყალსაცავიდან სამხრეთ-დასავლეთით, 541   მეტრი ზღვის დონიდან.

კოორდინატები: N41 14.741 E45 50.617

მისასვლელი გზა: ბუნების ძეგლთან ყველაზე ახლომდებარე მსხვილი დასახლებული პუნქტია ქ. დედოფლისწყარო. თბილისიდან დედოფლისწყარო დაშორებულია 130 კმ-ით; ხანგრძლივობა - 2 სთ;
ქ. დედოფლისწყარო - ტახტი-თეფას ბუნების ძეგლი  - 50 კმ; ხანგრძლივობა - 1 სთ და 30 წთ.

ღამისთევა: ღამის გასათევად ყველაზე ოპტიმალური ვარიანტია ქ. დედოფლისწყაროში, დალის მთის სამონადირეო მეურნეობისა და ჭაჭუნას აღკვეთილის ვიზიტორთა ცენტრებში დარჩენა, სადაც შესაძლებელია სასტუმროში გაჩერება.

საკონტაქტო ინფორმაცია:
ტელ: 577 10 18 49
ელ-ფოსტა: [email protected]

V ს-ის ხორნაბუჯის ციხე-სიმაგრე (დაარსებულია ვახტანგ გორგასალის მიერ). იგი მდებარეობს დედოფლისწყაროს რაიონული ცენტრიდან ჩრდილოეთით 4 კილომეტრში, კირქვიან ციცაბო კლდეებზე. მგზავრობას რაიონული ცენტრიდან ციხე-ქალაქამდე ავტომანქანით სჭირდება 15 წუთი. ციხეზე შესაძლებელია ფეხით ასვლა.

V-VIს-ის წმინდა ელია თეზბითელის სახელობის ეკლესია ელიის მთაზე. იგი მდებარეობს დედოფლისწყაროს რაიონული ცენტრიდან სამხრეთით 3 კილომეტრში, ელიის მთის თხემურ ნაწილში კირქვიან კლდეზე. მგზავრობას რაიონული ცენტრიდან ელიის მთამდე ავტომანქანით სჭირდება 10 წუთი. კლდის შუაგულში, 60 მეტრის სიმაღლეზე მდებარე ეკლესიაში შესაძლებელია ფეხით ასვლა.

ამაღლების გუმბათოვანი ტაძარი (Xს.) სოფ.ოზაანის მახლობლად, რომელიც შემკულია Xს-ის უნიკალური ფრესკების ფრაგმენტებით. ტაძარი მდებარეობს დედოფლისწყაროს რაიონული ცენტრიდან ჩრდილო-დასავლეთით 19 კილომეტრში, ფართოფოთლოვან ტყეში. მგზავრობას რაიონული ცენტრიდან ტაძრამდე ავტომანქანით სჭირდება 30 წუთი.

ბოდბის დედათა მონასტერის უნიკალური კომპლექსი (Vს) - სადაც წმ. გიორგის სახელობის ტაძარში (მთლიანად შემკულია ფრესკებით) წმინდა ნინოს საფლავი მდებარეობს. მონასტერი მდებარეობს დედოფლისწყაროს რაიონული ცენტრიდან ჩრდილო-დასავლეთით 30 კილომეტრში, გომბორის ქედის აღმოსავლეთ დაბოლოებაზე. მგზავრობას რაიონული ცენტრიდან მონასტრამდე ავტომანქანით სჭირდება 40 წუთი.

ნიკო ფიროსმანის სახლმუზეუმი - სოფ.მირზაანში (მუზეუმში ფიროსმანის ნახატების ორიგინალებია განთავსებული). მუზეუმი მდებარეობს დედოფლისწყაროს რაიონული ცენტრიდან ჩრდილო-დასავლეთით 25 კილომეტრში. ავტომანქანით მგზავრობას სჭირდება 30 წუთი.