ადგილობრივი ტრადიციების მიხედვით, ღორი ტაბუირებული ცხოველია თუშეთში. ამიტომ მისგან დამზადებული საკვები პროდუქტის ატანა და ჭამა თუშეთის ტერიტორიაზე მიუღებელია ადგილობრივებისათვის და აღიქმება მათი წეს-ჩვეულებების უპატივცემულობად.
ადგილობრივი ტრადიციების მიხედვით თუშეთში არსებული ჯვარ-ხატების ტერიტორიებზე მანდილოსნების (დედათა წესის ასაკის) შესვლა არ შეიძლება.
თუშეთში არ არის საზოგადოებრივი მომსახურების ობიექტები: ავტოგასამართი სადგური, ბენზინგასამართი სადგური, აფთიაქი, სილამაზის სალონი, ბანკი/ვალუტის გადასახურდავებელი სალაროები.
კავკასიონის მთებში მიკარგული თუშეთი ჩვენი ქვეყნის ერთერთი უდიდესი სიმდიდრეა. იდუმალებით მოცული ეს მხარე საქართველოს ყველა სხვა კუთხისაგან განსხვავებულია და მისი მრავალფეროვანი ბუნება და კულტურა აჯადოვებს აქ ჩამოსულ ადამიანებს.
თუშეთის ეროვნული პარკის 11 ტურისტული მარშრუტი სხვადასხვა სირთულის 1, 2, 3, 4 და 6 დღიან ბილიკებს მოიცავს. უნიკალური ისტორიულ-კულტურული და ბუნებრივი ლანდშაფტებით გამორჩეულ ტერიტორიაზე ვიზიტორებს შეუძლიათ შეარჩიონ მათთვის სასურველი სალაშქრო, ველო, საცხენოსნო, კულტურული, ფრინველებზე და ნიამორებზე დაკვირვების ტურები.
გაშლილი მთები და იალაღები ¬ფრინველების საუკეთესო საარსებო გარემოა. აქ ხშირად შენიშნავთ ქორს, მიმინოს, ბატკანძერას, არწივს და სხვადასხვა სახეობის მტაცებელ თუ მგალობელ ფრინველებს.
თუშების კულტურა განსაკუთრებულია. მათ მთავარ საქმიანობას ოდითგანვე წარმოადგენდა მთა-ბარული მეცხვარეობა და დღესაც აქტიურად მისდევენ მას. თუშური ცხვარი, თუშური ცხენი, მეცხვარე ნაგაზი, თუშური ყველი, თუშური ფარდაგი, თუშური თექა, თუშური ქუდი და სხვა ქმნიან თუშეთის ერთიან კულტურულ-ესთეტიკურ სივრცეს. ცხვრის მატყლის დამუშავებასა და ქსოვას დიდი ადგილი უჭირავს თუში ქალის ცხოვრებაში. მწყემსების მიერ თაობიდან თაობაში გადაეცემა და დღემდეა მოღწეული ცხვრის ყველის, იგივე გუდის ყველის, დამზადების ტექნოლოგია. ადგილობრივ დღესასწაულებზე ხშირად იმართება შეჯიბრებები მშვილდოსნობასა და ცხენოსნობაში, სადაც ვიზიტორებს შესაძლებლობა აქვთ აქტიურად ჩაერთვნენ და მონაწილეობა მიიღონ.
აღსანიშნავია ფიჭვის ყვავილობა, რომელიც სამედიცინო ტურიზმის თვალსაზრისით თუშეთისთვის უდიდესი პოტენციალია. ფიჭვის ყვავილობა მაისის ბოლო რიცხვებიდან იწყება და ვიზიტორებს შესაძლებლობა აქვთ დასვენებასთან ერთად იზრუნონ საკუთარ ჯანმრთელობაზე.
ღამისთევა:
·
ალაზნისთავის კოტეჯი - 1 ადამიანი / 1 დღე - 30 ლარი
- (ფასი სკოლის მოსწავლეებისა და სტუდენტებისათვის - 10 ლარი)
·
სასტუმროს ლუქსის ტიპის ნომერი - 1 დღე - 120 - ლარი
·
სასტუმროს ნომერი - 1 დღე - 100 ლარი
·
ომალოს ჰოსტელის ნომერი - 1 დღე - 60 ლარი
ფართის ქირაობა
·
საკონფერენციო დარბაზი - 1 დღე - 200 ლარი
·
საკარვე ადგილი - 1 ადამიანი / 1 დღე - 10 ლარი
·
საპიკნიკე ადგილი (8 კაციანი) - 1 დღე - 20 ლარი
ინვენტარის დაქირავება:
·
კარავი - 1დღე - 20 ლარი
·
საძილე ტომარა - 1დღე - 10 ლარი
·
ზურგჩანთა - 1 დღე - 10 ლარი
·
ველოსიპედი - 1 დღე - 35 ლარი
·
ჭოგრიტი - 1 დღე - 10 ლარი
·
ჰამაკი - 1 დღე - 15 ლარი
გაზაფხული
ზაფხული
სამუშაო დღეები: 10:00 - 18:00
შაბათ-კვირა: 10:00 – 17:00
შემოდგომა
სამუშაო დღეები: 10:00 - 18:00
შაბათ-კვირა: 10:00 – 17:00
ზამთარი
მათთვის ვისაც სალაშქროდ სიარული ველოსიპედით უყვართ, დაცულ ტერიტორიებზე ველო ბილიკებია მოწყობილი. იმ შემთხვევაში, თუ საკუთარი ველოსიპედი არ გყავთ, ტრანსპორტის ადგილეზე ქირაობაცაა შესაძლებელი.
1 სთ ქირაობა - 10 ლარი; სკოლის მოსწავლეებისა და სტუდენტებისთვის - 5 ლარი;
1 დღე ქირაობა - 40 ლარი; სკოლის მოსწავლეებისა და სტუდენტებისთვის - 20 ლარი.
დეტალური ინფორმაციის მისაღებად დაგვიკავშირდი - 577 10 18 92
ომალო-დართლო, შენაქო-დიკლო- 1 დღე
გომეწრის ხეობა - დოჭუ-ჯვარბოსელი - 2 დღე
სეზონი: ივნისიდან ოქტომბრის ჩათვლით.
ველოსიპედების ქირაობა შესაძლებელია თუშეთის დაცული
ჯირითის მოყვარულებს, დაუვიწყარი თავგადასავლისთვის თუშეთის ეროვნულ პარკში საცხენოსნო ტურები გელოდებათ.
ცხენების ქირაობა შესაძლებელია ადგილობრივი მოსახლეობისგან
თუ თქვენ თავისუფალი დროის მშვიდ გარემოში გატარება გსურთ და სურვილი გაქვთ დააკვირდეთ საქართველოში მობინადრე, თუ გადამფრენ ფრინველებს, ეროვნული პარკების ვიზიტორთა ცენტრებში ჭოგრიტის ქირაობასაც შეძლებთ და სპეციალურ კოშკურებსაც გამოიყენებთ.
ფასიანი სერვისები
საქართველოს ეროვნულ პარკებში თქვენ შეგიძლიათ ისარგებლოთ ფასიანი ეკოტურისტული სერვისებით.
მეტის ნახვა
.jpg)
