ჩემს გარშემო
გამოგვყევი

2018-03-09

ადგილობრივი ტრადიციების მიხედვით,  ღორი ტაბუირებული ცხოველია თუშეთში. ამიტომ მისგან დამზადებული საკვები პროდუქტის ატანა და ჭამა თუშეთის ტერიტორიაზე მიუღებელია ადგილობრივებისათვის და აღიქმება მათი წეს-ჩვეულებების უპატივცემულობად.

2018-03-09

ადგილობრივი ტრადიციების მიხედვით თუშეთში არსებული ჯვარ-ხატების ტერიტორიებზე მანდილოსნების (დედათა წესის ასაკის) შესვლა არ შეიძლება.

2018-03-09

თუშეთში არ არის საზოგადოებრივი მომსახურების ობიექტები: ავტოგასამართი სადგური, ბენზინგასამართი სადგური,  აფთიაქი, სილამაზის სალონი, ბანკი/ვალუტის გადასახურდავებელი სალაროები.


თუშეთის ეროვნული პარკი

თუშეთის ეროვნული პარკი შემდეგ ტურისტულ სეზონამდე დაიხურა


კავკასიონის მთებში მიკარგული თუშეთი ჩვენი ქვეყნის ერთერთი უდიდესი სიმდიდრეა. იდუმალებით მოცული  ეს მხარე საქართველოს ყველა სხვა კუთხისაგან განსხვავებულია და მისი მრავალფეროვანი ბუნება და კულტურა აჯადოვებს აქ ჩამოსულ ადამიანებს.

თუშეთის ეროვნული პარკის 11 ტურისტული მარშრუტი სხვადასხვა სირთულის 1, 2, 3, 4 და 6 დღიან ბილიკებს მოიცავს. უნიკალური ისტორიულ-კულტურული და ბუნებრივი ლანდშაფტებით გამორჩეულ ტერიტორიაზე ვიზიტორებს შეუძლიათ შეარჩიონ მათთვის სასურველი სალაშქრო, ველო, საცხენოსნო, კულტურული, ფრინველებზე და ნიამორებზე დაკვირვების ტურები.

გაშლილი მთები და იალაღები ¬ფრინველების საუკეთესო საარსებო გარემოა. აქ ხშირად შენიშნავთ ქორს, მიმინოს, ბატკანძერას, არწივს და სხვადასხვა სახეობის მტაცებელ თუ მგალობელ ფრინველებს.

თუშების კულტურა განსაკუთრებულია. მათ მთავარ საქმიანობას ოდითგანვე წარმოადგენდა მთა-ბარული მეცხვარეობა და დღესაც აქტიურად მისდევენ მას. თუშური ცხვარი, თუშური ცხენი, მეცხვარე ნაგაზი, თუშური ყველი, თუშური ფარდაგი, თუშური თექა, თუშური ქუდი და სხვა ქმნიან თუშეთის ერთიან კულტურულ-ესთეტიკურ სივრცეს. ცხვრის მატყლის დამუშავებასა და ქსოვას დიდი ადგილი უჭირავს თუში ქალის ცხოვრებაში.  მწყემსების მიერ თაობიდან თაობაში გადაეცემა და დღემდეა მოღწეული ცხვრის ყველის, იგივე გუდის ყველის, დამზადების ტექნოლოგია. ადგილობრივ დღესასწაულებზე ხშირად იმართება შეჯიბრებები მშვილდოსნობასა და ცხენოსნობაში, სადაც ვიზიტორებს შესაძლებლობა აქვთ აქტიურად ჩაერთვნენ და მონაწილეობა მიიღონ.

აღსანიშნავია ფიჭვის ყვავილობა, რომელიც სამედიცინო ტურიზმის თვალსაზრისით თუშეთისთვის უდიდესი პოტენციალია. ფიჭვის ყვავილობა მაისის ბოლო რიცხვებიდან იწყება და ვიზიტორებს შესაძლებლობა აქვთ დასვენებასთან ერთად იზრუნონ საკუთარ ჯანმრთელობაზე.

სამუშაო საათები

გაზაფხული


ზაფხული

სამუშაო დღეები: 10:00 - 18:00

შაბათ-კვირა: 10:00 – 17:00 

შემოდგომა

სამუშაო დღეები: 10:00 - 18:00

შაბათ-კვირა: 10:00 – 17:00 

ზამთარი


ფასიანი სერვისები

ზრდასრული

კარავი - 10 ლარი;

ზურგჩანთა - 5 ლარი;

საძილე ტომარა - 5 ლარი;

ჭოგრიტი - 10 ლარი;

საკონფერენციო დარბაზი (24 ადამიანზე) - 1 სთ - 20 ლარი; 1 დღე - 100 ლარი;

საპიკნიკე ადგილი - 1 მაგიდა - 15 ლარი;

საკარვე ადგილი - 1 ადამიანი - 5 ლარი;

ველოსიპედი -1 სთ - 10 ლარი; 1 დღე - 40 ლარი;

სტუდენტი და მოსწავლე

კარავი - 10 ლარი;                

ზურგჩანთა - 5 ლარი;                      

საძილე ტომარა - 5 ლარი;

ჭოგრიტი - 10 ლარი;

საკონფერენციო დარბაზი (24 ადამიანზე) - 1 სთ - 20 ლარი; 1 დღე - 100 ლარი;

საპიკნიკე ადგილი - 1 მაგიდა - 15 ლარი; სკოლის მოსწავლეებისა და სტუდენტებისთვის - 10 ლარი;

საკარვე ადგილი - 1 ადამიანი - 5 ლარი;

ველოსიპედი -1 სთ - 5 ლარი;  1 დღე - 20 ლარი.

თავგადასავალი

ველო ტური

მათთვის ვისაც სალაშქროდ სიარული ველოსიპედით უყვართ, დაცულ ტერიტორიებზე ველო ბილიკებია მოწყობილი. იმ შემთხვევაში, თუ საკუთარი ველოსიპედი არ გყავთ, ტრანსპორტის ადგილეზე ქირაობაცაა შესაძლებელი.

1 სთ ქირაობა - 10 ლარი; სკოლის მოსწავლეებისა და სტუდენტებისთვის - 5 ლარი;

1 დღე ქირაობა - 40 ლარი; სკოლის მოსწავლეებისა და სტუდენტებისთვის - 20 ლარი.

დეტალური ინფორმაციის მისაღებად დაგვიკავშირდი - 577 10 18 92

ხელმისაწვდომია

გაზაფხული ზაფხული შემოდგომა
შესაბამისი ტურები

ლაშქრობა

ომალო-დართლო, შენაქო-დიკლო- 1 დღე

გომეწრის ხეობა - დოჭუ-ჯვარბოსელი - 2 დღე

სეზონი: ივნისიდან ოქტომბრის ჩათვლით.

ველოსიპედების ქირაობა შესაძლებელია თუშეთის დაცული

საცხენოსნო ტური

ჯირითის მოყვარულებს, დაუვიწყარი თავგადასავლისთვის თუშეთის ეროვნულ პარკში საცხენოსნო ტურები გელოდებათ.

ცხენების ქირაობა შესაძლებელია ადგილობრივი მოსახლეობისგან

ფრინველებზე დაკვირვება

თუ თქვენ თავისუფალი დროის მშვიდ გარემოში გატარება გსურთ და სურვილი გაქვთ დააკვირდეთ საქართველოში მობინადრე, თუ გადამფრენ ფრინველებს, ეროვნული პარკების ვიზიტორთა ცენტრებში ჭოგრიტის ქირაობასაც შეძლებთ და  სპეციალურ კოშკურებსაც გამოიყენებთ.

  • ველო ტური
  • ლაშქრობა
  • საცხენოსნო ტური
  • ფრინველებზე დაკვირვება

ადგილები რომლებიც უნდა ნახო

პარკში სანახავი ადგილები

კესელოს კომპლექსი

კესელოს კომპლექსი (XVII-XVIII სს) - მდებარეობს ჩაღმის ხეობაში, სოფელ ქვემო ომალოდან 2 კმ-ის მოშორებით. კესელოს კომპლექსთან მისვლა შესაძლებელია როგორც ორხიდიანი მანქანით, ასევე ფეხით.

პარკის გარშემო

ციხე-სოფელი დიკლო

ციხე-სოფელი დიკლო (XVII-XVIII სს) - მდებარეობს ჩაღმის ხეობაში, სოფელ ქვემო ომალოდან 15 კმ-ის მოშორებით. სამანქანე გზით მისვლა შესაძლებელია სოფელ დიკლომდე (ომალოდან 13 კმ), საიდანაც საფეხმავლო ბილიკი მიემართება ციხე-სოფელ დიკლომდე.

შენაქოს ეკლესია

შენაქოს ეკლესია (XIX ს) - მდებარეობს ჩაღმის ხეობის სოფელ შენაქოში, ქვემო ომალოდან 8 კმ-ის მოშორებით. შენაქოში მისვლა და ეკლესიის მონახულება შესაძლებელია როგორც ორხიდიანი მანქანით, ასევე ფეხით.

ნასოფლარი აგეურთა

ნასოფლარი აგეურთა (XVII-XVIII სს) - მდებარეობს ჩაღმის ხეობაში, სოფელ ქვემო ომალოდან 9 კმ-ის მოშორებით. ომალოდან შენაქომდე (8 კმ) შესაძლებელია როგორც ფეხით, ასევე ორხიდიანი მანქანით მისვლა. შენაქოდან აგეურთამდე მიემართება საფეხმავლო ბილიკი.
ილიურთის ეკლესია (XIX ს) - მდებარეობს გომეწრის ხეობაში, სოფელ ილიურთაში, სოფელ ქვემო ომალოდან 23 კმ-ის მოშორებით. სოფელ ილიურთაში მისვლა შესაძლებელია როგორც ორხიდიანი მანქანით, ასევე ფეხით.

სოფელ წაროს არქიტექტურული კომპლექსი

სოფელ წაროს არქიტექტურული კომპლექსი და წაროს აკლდამა-საყდრები (შუა საუკუნეები) - მდებარეობს წოვათის თემში. სოფელ ქვემო ომალოდან წარო მდებარეობს 28 კმ-ის მოშორებით. წარომდე მისვლა შესაძლებელია როგორც ორხიდიანი მანქანით, ასევე ფეხით. წაროში მოსახვედრად ვიზიტორმა უნდა გაიაროს გომეწრის ხეობა.

სოფელი დართლოს არქიტექტურული კომპლექსი

სოფელი დართლოს არქიტექტურული კომპლექსი (გვ. შუა საუკუნეები) - მდებაროებს პირიქითის ხეობაში. სოფელ ქვემო ომალოდან 18 კმ-ის მოშორებით. დართლოს არქიტექტურული კომპლექსი აერთიანებს ციხე-კოშკებს, აკლდამა-საყდრებს (XV-XVII სს), საბჭეოს (XVII-XVIII სს) და დართლოს ეკლესიას (XIX ს). დართლოში მისვლა შესაძლებელია როგორც ფეხით, ასევე მანქანით.

სოფელ ჭონთიოს არქიტექტურული კომპლექსი

სოფელ ჭონთიოს არქიტექტურული კომპლექსი (XVII-XVIII სს) - მდებარეობს პირიქითის ხეობაში, სოფელ ქვემო ომალოდან 37 კმ-ის მოშორებით. ჭონთიომდე მისვლა შესაძლებელია ფეხით. სამანქანე გზა სოფელ გირევში მთავრდება, საიდანაც ჭონთიომდე მიემართება საფეხმავლო ბილიკი.

ალავერდის მონასტერი

მონასტერი, რომელიც VI საუკუნეში დააარსა იოსებ ალავერდელმა (ერთ-ერთმა 13 ასურელ მამათაგანმა), მდებარეობს ალაზნის ველზე, კავკასიონის ქედის თოვლიანი მთების ფონზე, თელავიდან 20 კმ-ში. ალავერდი მამათა მონასტერი იყო. XVII-XVIII საუკუნეებში კი აქ დაარსდა დედათა მონასტერიც, სადაც მონაზვნად აღკვეცილი სამეფო ოჯახის წევრები ცხოვრობდნენ. ალავერდი მნიშვნელოვან საგანმანათლებლო სასულიერო ცენტრს წარმოადგენდა. მონასტერში შეგიძლიათ დააგემოვნოთ ქართული ტრადიციული წესით დამზადებული ქვევრის სამონასტრო ღვინო.

კომენტარები

იხილეთ ახლოს მდებარე პარკები

თბილისის ეროვნული პარკი

78 კილომეტრის დაშორებით

ნახვა

ლაგოდეხის ეროვნული პარკი

80 კილომეტრის დაშორებით

ნახვა

ფშავ-ხევსურეთის ეროვნული პარკი

50 კილომეტრის დაშორებით

ნახვა

ყაზბეგის ეროვნული პარკი

91 კილომეტრის დაშორებით

ნახვა

ფასიანი სერვისები

საქართველოს ეროვნულ პარკებში თქვენ შეგიძლიათ ისარგებლოთ ფასიანი ეკოტურისტული სერვისებით.

მეტის ნახვა

ტრანსპორტი

გაიგეთ როგორ შეგიძლიათ მოხვდეთ საქართველოს ეროვნულ პარკებში.

მეტის ნახვა

გზამკვლევი

დაგეგმეთ მოგზაურობა საქართველოს ეროვნულ პარკებში.

მეტის ნახვა

ჩვენს შესახებ

ძვირფასო მოგზაურებო, გიწვევთ საქართველოს ეროვნულ პარკებში სამოგზაუროდ.

მეტის ნახვა